पछिल्लो समय अभिनयभन्दा उट्पट्याङ अभिव्यक्तिले चर्चामा आउने गरेका अभिनेता जयकिशन बस्नेतले काठमाडौंमा आयोजित एक कार्यक्रममा आफ्नो आगामी फिल्म ‘बद्री बहादुर’ फिल्मबाट आफूलाई ठूलो अपेक्षा रहेको बताउँदै कथमकदाचित असफल भए कलाकारिताबाट नै सन्यास लिने बताए ।
भारतीय कमेडियन कपिल शर्माले शुभकामना सन्देश समेत दिएको यस फिल्मलाई शोभित बस्नेतले निर्देशन गरेका हुन् । उनी आफैं पनि विशेष भूमिकामा छन् । धिरेन शाक्य, उत्तम केसी, एलिना गुरुङ, छुल्ठिम गुरुङ लगायतको पनि अभिनय रहेको फिल्मको एक गीतमा अभिनेता सलोन बस्नेत र अभिनेत्री पूजा शर्माले नृत्य गरेका छन् । यस फिल्म मार्फत आफुले निकै आश बोकेको जयकिशन बस्नेतले बताए । फिल्म हिजो शुक्रबार बाट देशका बिभिन्न हलहरुमा पर्दशन भैरहेको छ ।