राष्ट्रिय श्रष्टा तथा प्रस्तोता प्रतिष्ठान काठमाण्डौको आयोजना तथा आभुषण इन्टरटेनमेन्ट र आभुषण फाउन्डेसन काठमाण्डौको सहकार्यमा सिद्धेश्वर मन्दिर परिसर कपन बुढानिलकंठमा बृहत बृक्षारोपण कार्यक्रम सम्पन्न गरिएको छ । कार्यक्रम राष्ट्रिय श्रष्टा तथा प्रस्तोता प्रतिष्ठानका अध्यक्ष राजेन्द्र बजगाईको अध्यक्षतामा प्रमुख अतिथि बुढानिलकंठ नगरपालिका प्रमुख मेयर मिठाराम अधिकारी,अतिथि बुढानिलकंठ नगरपालिका वडा नं १० का बडा अध्यक्ष नवराज भट्ट्राई, चलचित्र कलाकार संघका सदस्य ,कलाकार सहायता तथा अनुगमन समितिका संयोजक तथा सिद्धेश्वर मन्दिर संरक्षण समितिका अध्यक्ष उद्धव प्रसाद भट्ट्राई,नेकपा एमाले बुढानिलकंठ नगरपालिका वडा नं १० का अध्यक्ष शंभु पौडेल र राष्ट्रिय श्रष्टा तथा प्रस्तोता प्रतिष्ठानका महासचिब तथा संगितकार दिपक शर्मा,कोषाध्यक्ष नारायण थापा, गायक तथा संगितकार र भ्वाईस अफ नेपालका मेन्टर योगेन्द्र उपाध्याय, राष्ट्रिय श्रष्टा तथा प्रस्तोता प्रतिष्ठानका सदस्य तथा साउन्ड इन्जिनियर मनोज परियार, मोडल तथा नायिका प्रतिक्षा काफ्ले,गायक तथा संचारकर्मी प्रमोद डिजी,गायक नारायण थापाकी धर्मपत्नी गंगा भण्डारी थापा र स्थानियको सहभागीतामा सुरु गरिएको थियो ।
बृक्षारोपण गर्दा बातावरणमा स्वच्छता आउने र अहिले भईरहेको जल बायुु परिबर्तनमा पनि केही सकारात्मक असर पार्ने भएकाले राष्ट्रिय श्रष्ठा तथा प्रस्तोता प्रतिष्ठानका कोषाध्यक्ष गायक नारायण थापाको संयोजकत्वमा थापाको जन्मदिनको अबसर पारी बृहत बृक्षारोपण कार्यक्रम गरेको राष्ट्रिय श्रष्टा तथा प्रस्तोता प्रतिष्ठानका अध्यक्ष राजेन्द्र बजगाईले बताए । दिपक शर्माले औपचारिक कार्यक्रम संचालन गर्दा स्थानिय तथा अतिथिहरुले नारायण थापालाई जन्मदिनको शुभकामना ब्यक्त गर्दै बृक्षारोपणको दिन शुभ रहेको बताए ।
