दैलेखमा एसइईका एक नक्कली परीक्षार्थी पक्राउ परेका छन् । नारायण नगरपालिका-१ मा रहेको त्रिभुवन माध्यमिक विद्यालयमा भाइको ठाउँमा एसइई परीक्षा दिन पुगेका १७ वर्षीय किशोर पक्राउ परेका हुन् । जिल्ला प्रहरी कार्यालय दैलेखका निमित्त प्रमुख प्रहरी निरीक्षक दिपक मगराठीका अनुसार पक्राउ पर्नेमा महावु गाउँपालिका–१ गैडाबाजका प्रेम न्यौपाने रहेका छन् ।न्यौपानेले भाइ नाता पर्ने गैडाबाजका माध्यमिक विद्यालयका विद्यार्थी सुनिलप्रसाद जैसीको ठाउँमा परिक्षा दिएका थिए ।
गार्डलाई न्यौपानेमाथि शंका लागेपछि प्रवेश पत्र चेक गर्दा उनी नक्कली रहेको पाइएको हो । यस विषयमा अनुसन्धान भइरहेको प्रहरीले जनाएको छ ।