वेस्ट इण्डिज ए विरूद्ध नेपाल ६ विकेटले विजयी भएको छ।
अन्तिम खेलमा वेस्ट इण्डिज ए ले दिएको १७३ रनको लक्ष्य नेपालले ७ बल बाँकी छँदै ४ विकेट गुमाएर पूरा गरेको हो।१८ औं ओभरमा कुशल मल्लले विस्फोटक ब्याटिङ गरे। ओभरको पहिलो बल छक्का र त्यसपछिका चार बलमा चौका प्रहार गरेपछि नेपाल इनिङको सात बल बाँकी छँदै विजयी भएको हो।
कुशल मल्ल १८ बलमा ३७ रन बनाएर नट आउट रहे। उनले ३ चौका र ३ छक्का प्रहार गरे।त्यसअघि आशिफ शेख र अनिल साहले अर्धशत हानेका थिए।अनिलले १५.१ ओभरमा छक्का प्रहार गर्दै अर्धशतक पूरा गरेका थिए। ४१ बलमा अर्धशत पूरा गरेका उनले ४ चौका र तीन छक्का हाने।१७ औं ओभरको दोस्रो बलमा आउट हुनुअघि अनिलले कुल ५८ रन जोडे भने चार छक्का प्रहार गरे।सिरिजको यसअघिका खेलमा अनिलको प्रस्तुत सन्तोषजनक हुन सकेको थिएन। आजको खेलमा भने उनले टिमलाई जिततर्फ उन्मुख गराएका थिए।
१४ औं ओभरमा आउट हुनुअघि अर्धशत पूरा गरेका आशिफले ३५ बलमा २ चौका र ५ छक्का हाने।आजको खेलमा दीपेन्द्रसिंह ऐरी ५ र कुशल भूर्तेल १३ रन बनाएर आउट भए।बलिङतर्फ वेस्ट इण्डिज ए का ओबेड मिककोयले ४ र म्याथ्यु फोर्डीले १ विकेट लिए।
