यहि असार ८ गते कलाकारको हकहितका लागि कार्य गर्ने राष्ट्रिय श्रष्टा तथा प्रस्तोता प्रतिष्ठान लगायत बिभिन्न संस्थाहरुको सहकार्यमा रक्तदान कार्यक्रम सम्पन्न भएको छ । रक्तदान जीवन दान भन्ने मु्लनाराका साथ राष्ट्रिय श्रष्टा तथा प्रस्तोता प्रतिष्ठान,देउराली बचत तथा क्रृण सहकारी संस्था लिमिटेड,सामाजिक बिकास समाज अनामनगर,लायन्स क्लब रामेछाप तामाकोशीको संयुक्त सहकार्य र रेडक्रसको सहयोगमा रक्तदान कार्यक्रम भएको हो ।
रक्तदान कार्यक्रममा ५५ जना रक्तदाताहरुले रक्तदान गरेका हुन । उक्त कार्यक्रममा रक्तदान सँगै आँखा तथा दाँतको निशुल्को शिबिर संचालन गरिएको थियो । शिबिरमा ५०० भन्दाबढि सेबाग्राहीहरुले सेवा लिएका थिए ।
रक्तदान कार्यक्रममा बिभिन्न क्षेत्रका ब्यक्तिहरु,चर्चित कलाकारहरु तथा बिधार्थीहरुको सहभागीता रहेको थियो । उक्त सहभागीताले आफुलाई यस्ता सेवा दिने कार्यहरु गरिरहन थप हौसला मिलेको राष्ट्रिय श्रष्टा तथा प्रस्तोता प्रतिष्ठानका अध्यक्ष,कोषध्यक्ष र सम्पुर्ण प्रतिष्ठानका सदस्य लगायत सहकार्य गरेका बिभिन्न संघ संस्थाहरुले बताए ।