नेपाली चलचित्र ‘ईश्वर’को ट्रेलर सार्वजनिक भएको छ । आफ्नो कुलभन्दा बाहिरको युवायुवती प्रेममा परेपछि उत्पन्न समस्यामा आधारित फिल्मको ट्रेलर हेर्दा अन्तरजातीय प्रेमकथालाई उठान गरेको बुझ्न सकिन्छ । दिव्या कंगना फिल्मस्को ब्यानरमा निर्माण गरिएको फिल्मको हरिबहादुर थापाले निर्माण गरेका हुन । राजु गिरी निर्देशित फिल्म ‘ईश्वर’ मा कलाकार ध्रुव थापा, सुनिल थापा, बुद्धि तामाङ, अनु शाह, सबिन बास्तोला, माओत्से गुरुङ, पृथ्वीराज प्रसाई, रविन्द्र झा, कृष्टि गुरुङलगायतका कलाकारहरुको अभिनय रहेको छ । फिचर्ड छन् ।
यहि फिल्मबाट अभिनेत्री अनु शाहले ५ वर्षपछि अभिनयमा कमब्याक गरेकी छन् । उनको पछिल्लो प्रदर्शनमा आएको फिल्म ‘पसिना’ हो । फिल्ममा अर्जुन पोखरेल, राजेन्द्र बजगाई र बीपी वाग्लेको संगीत, भिष्मराज फुलाराको शब्द ,कविराज गहतराज, देवेन्द्र पाण्डे र सुरेश पाण्डेको कोरियोग्राफी रहेको छ । फिल्ममा रामेश्वर हुँमागाईको छायांकन र देव महर्जनको द्वन्द्व निर्देशन रहेको छ । फिल्मको वितरण आरआर फिल्मसले गर्दैछ भने फिल्म साउन ११ मा प्रर्दशनमा आउने निर्माण टीमले जानकारी दिएको छ ।
