प्रवासमा रहेर पनि बिगत डेढ दशक देखि नेपाली गीत संगितमा निरन्तर समर्पित एक साधकको नाम हो अर्जुन पौडेल । जसले थुप्रै चर्चित गीतहरु “मेरा काला दारी”, “बबाल” लगायतका गीतहरुमा आफ्नो स्वर दिईसकेका छन । सोही क्रममा गायक अर्जुन पौडेलले फेरीपनि आफ्नो स्वरमा नयाँ गीत ‘टेन्सन भाको छ‘’ को लिरिकल भिडियो सार्वजनिक गरेका छन् । बिगतमा चर्चित गीतहरु आफ्ना श्रोतामाझ पस्किसकेका गायक अर्जुन पौडेललाई ‘टेन्सन भाको छ’मा गायिका मेलिना राईले युगल स्वरमा साथ दिएकी छिन् । उक्त गीतमा शब्द, संगीत राजनराज शिवाकोटीको रहेको छ भने गीतलाई मिक्सिङ, माष्टरिङ किशोर थापा र एरेञ्ज माहाराज थापाले गरेका हुन् । गीतलाई अर्जुन पौडेलको आफ्नै आधिकारिक यु ट्युब च्यानल अर्जुन पौडेलमा हेर्न तथा सुन्न सक्नुहुनेछ ।
दर्शक तथा स्रोताहरुले पुर्ण रुपमा माया गर्ने र मन पराउने अपेक्षाका साथ ‘टेन्सन भाको छ’ बोलको गीतको लिरिकल भिडियो सार्बजनिक गरेको गायक पौडेलले बताए । सुन्ने भन्दा पनि हेर्ने गीतको प्रचलनलाई मध्यनजर गर्दै चाँडैनै गीतको म्युजिक भिडियो हेर्न सकिने र निर्माणको तयारीमा रहेको पनि गायक अर्जुन पौडेलले बताएका छन् । अहिले दर्शकको चाहना अनुसार यसलाई लिरिकल भिडियोको रुपमा ल्याएको पनि उनले प्रकाश पारे ।
