बिहीबार/ २२ फागुन/काठमाडौँ । देशमा रोजगारीको अवसर नहुँदा दिनानुदिन बिदेसिने युवाहरूको लर्को लाग्ने गरेको छ । सरकारले रोजगारी सृजनाको नीति लिन नसक्दा दक्ष जनशक्ति समेत बिदेसिने गरेका छन् ।
अधिकांश नेपाली युवाहरू रोजगारीको खोजी गर्दै खाडी मुलुक लगायत तेस्रो मुलुक गइरहेका छन् । वैदेशिक रोजगारीमा जाने युवाहरूको संख्यामा दिनानुदिन वृद्धि भइरहेको तथ्याङ्कले देखाउँछ ।
बिदेसिने अधिकांशले देशभित्र अवसर नपाएको बताउने गरेका छन् । अहिले करिब दैनिक २ हजारको हाराहारीमा नेपालीहरू रोजगारीको लागि बिदेसिने गरेका छन् ।
