गित संगीतमा बिगत दुई दशकदेखि सक्रिय चर्चित गायक नारायण थापाको आवाजमा रहेको गीत “परिणाम नखोज तिमी” बोलको सुगम गीत आभुषण ईन्टरटेन्मेन्ट युट्युब च्यानलमार्फत सार्बजनिक भएको छ । दिनेशराज पुरीको शब्द, गायक नारायण थापाकै संगीत,पुष्कर सुनुवारको एरेन्ज बिप्लभ अधिकारीको मिक्सिंग मास्टरिंग रहेको गीत मेलोडी नेपाल रेकर्डिंग स्टुडियोमा तयार पारिएको हो ।
समाज एवं घर परिवार भित्र हुने आर्थिक उतार–चढाब र त्यसले निम्त्याउने समस्या र महत्वाकांक्षालाई गीत मार्फत भन्न खोजिएको छ । एउटा प्रेमिका वा श्रीमतीले परिवार समाजभित्र देखेको भोगेको आर्थिक असन्तुलन र गुनासोलाई एक सच्चाप्रेमीबाट अभिव्यक्त प्रेमभाब र सम्बोधन नै गीतको मुख्य सार भएको गायक थापाले बताए ।
गायक थापाले करिब ५ दर्जन भन्दापढि गीतहरुमा आफ्नो सुमधुर आवाज भरिसकेका छन ।
